« Si d'Amour vient mon gracieux martyre » par Olivier de Magny

Si d’Amour vient mon gracieux martyre

Prison
Incandescence Portuaire par Marc DUPUY

Si d’Amour vient mon gracieux martyre,
L’effet d’Amour, las ! quoy ? quelle chose est-ce ?
Si bonne elle est, les siens comment oppresse ?
Pourquoy à mal incessamment les tire ?

Si mauvaise est, quell’ raison ay je à dire
Doux mon tourment, plaisante ma tristesse ?
Si elle plaist, à quoi plains je sans cesse ?
S’elle deplaist, que m’y vault dueil ou ire ?

O vive mort ! ô mal plaisant à voir !
Comme avez vous sur moy tant de pouvoir,
Puis que voz loix ma volonté n’aprouve ?

O feux jumeaulx ! ô trompeuse esperance !
Vous seulz cousez en moy tant d’inconstance,
Qu’en bien ou mal, content je ne me trouve.

Olivier de Magny

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.